燕豪芬主場大炒「格」  換轉你係燕豪芬嘅球迷，都唔會忘記愛隊上次喺主場係點樣輸俾阿積士，冇錯打後球隊作客係贏到伊高斯，不過客場歸客場，唔喺主場贏番場波就肯定唔會收貨！睇埋燕豪芬下仗就要作客另一隊勁旅飛燕諾，為防到時有失分嘅可能，佢哋今晚一定唔會放過格羅寧根，有新星迪比領軍開到「-2」都照吼「讓主」。（周日24，now671台周日9:30am直播） 同時間出場嘅阿積士就麻煩好多，事關佢哋周中歐霸要再對多次迪尼普；留意佢哋雖然喺首回合作客僅敗俾迪尼普，但陣上係有球波幾碼射高，唔係冇機會追成平手，小心佢哋會放棄荷甲轉攻歐霸，對手海倫芬嘅實力唔錯隨時可以保到不敗。（周日23，now670台周日9:30am直播）