車仔“修”心養“勝”

車仔“修”心養“勝”

聰明反被聰明誤，形容車路士教頭老摩應該夠貼切。因為上場歐冠盃輸畀巴黎聖日門，球隊嘅保守打法係最大致命原因。太過着重防守，對手自然反客為主，唔通老摩踢守勢足球，踢到走火入魔？既然歐冠盃慘淡出局，唯有疊埋心水爭個英超冠軍。今晚返到聯賽對住修咸頓，一班“車手”真係要踢場爭氣波。

車仔要贏波，的確要改變戰略，單箭頭陣式始終殺傷力不足。老摩為要穩住榜首領先優勢，相信今仗三分志在必得，改變踢法事在必行，誓必積極搶攻。只要車仔肯打進攻足球，確有足夠火力，費比加斯、夏薩特及迪亞高哥斯達都有一定埋門把握力，只要向對手加大施壓，車仔應可穩操勝券。

修咸頓雖然曾經一段時間守住前四位置，可惜班底厚度不足，已經跌到落第七位，證明仍未有足夠實力與列強爭霸。球隊近四戰只得一勝一和兩負，狀態亦有下滑跡象，今場作客史丹福橋球場，實在不容樂觀。初盤車路士讓一球，直博車仔贏波贏盤。

推介：車路士2:0