柏雷素爾「仙」聲奪人

柏雷素爾「仙」聲奪人 
 
上季柏雷素爾「衝冠」雖然失敗咗，但係成班主場球迷肯定會照樣收貨，事關佢哋嘅主場成績仲好過冠軍大阪飛腳，今季見到呢隊波喺主場出擊，唔使講到咁白大家應該知道要點做啦。（周五2，有線61及201台周五6:00pm直播）
其實上季日職絕對可以用到「叮噹馬頭」嚟到形容，事關未到最後一刻，都唔知道邊隊可以成功贏得日職冠軍，但係好唔好彩，柏雷素爾因為早段失得太多分，搞到最終只能夠成為「梗頸四」。
不過主場嘅球迷又未必會好失望喎，事關佢哋上季喺主場贏過11場波咁多，計主場分數仲高過冠軍大阪飛腳，入波可能唔算係最多，不過講到失波就一定會引以為傲，因為佢哋全季喺主場失嘅波唔過雙位數字。

仙台上季作客成績差

暫時柏雷素爾都唔使分心應付亞冠賽事住，喺季初亦由芬洛買入前鋒大津祐樹，照計整體陣容比起上季肯定係更加完整；再睇埋佢哋喺開鑼戰作客都搞得掂神戶勝利船，就知道近況唔錯，始終有亞冠谷吓狀態比起一般嘅日職球隊自然着數好多，返到嚟福地迎戰上季作客成績為倒數尾二嘅仙台維加泰，可以進取些少捧「讓主」。