布里斯托城「伊」絲W

布里斯托城「伊」絲W

榜首面對住榜尾球隊，即使係作客都贏到波啦！目前喺英甲仲係領放緊嘅布里斯托城雖然大幅度領先緊普雷斯頓，但係今晚作客榜尾嘅伊奧維唔通會故意留手搞到失分？呢個機會恐怕唔高嘞。（周二4，香港時間周三3:45am開賽）

榜首布城作客伊奧維贏波相信只係意料中事，慳番時間研究應該捧乜嘢盤口好過！不過真係要小心布城雖然係榜首球隊，但係近期對住唐卡士打、奧連特，同埋卡維尼等多支球隊雖然係贏波收場，但係同時亦有失球，暴露咗後防不穩嘅弱點，所以咪以為今晚開乜嘢盤都食硬伊奧維，所有讓球主客和嘅盤口都可以放棄，一係簡簡單單捉實客勝，一係要「大」就算。

捧高雲地利摸和巴拉福特

同時間亮相嘅巴拉福特今季就扮演「盃賽黑馬」，不過最好都係去到盃賽先再留意佢哋，事關一隊英甲球隊有幾多兵源大家都心中有數啦，根本上佢哋喺上個周中對完雷丁已經搞到五癆七傷，相隔咁短再出，仲要係喺客場出擊，即使高雲地利唔係乜嘢勁旅，真係難免會有些少顧忌。（周二3，香港時間周三3:45am開賽）