魯賓卡山讓主爆「廠」  休戰有成個月咁耐嘅俄超再度回歸，而剛剛喺俄羅斯盃不敵莫斯科火車頭嘅魯賓卡山目前只係排緊中游，隨時「四大皆空」搞到冇得踢歐洲賽，睇嚟佢哋要盡快交出成績先得；好在魯賓卡山仲有半季時間去追，而歇冬之後首場俄超遇到實力平平嘅圖拉兵工廠，估計佢哋避免失分點都唔會留手，可以大膽些少放棄主勝改吼讓主。（周一2，香港時間周一8:30pm開賽） 而頭場阿馬卡喺歇冬前席爆出同帕爾馬一樣「有汗出、冇糧出」嘅醜聞，難免會搞到球員個個都無心戀戰，而作客嘅莫斯科魚雷就試過喺熱身賽贏過莫斯科中央陸軍，仲喺黑池買入辛祖域、借入施馬拉臣，人腳夠晒完整，贏埋都唔出奇。（周一1，香港時間周一6:00pm開賽）