拉素讓和「天」作之合

拉素讓和「天」作之合
   
意甲今晚頭場由拉素對費倫天拿，兩隊都有可能追上第3嘅歐聯席位，競爭性肯定大好多，不過要留意費倫剛打完意大利盃，嚟緊周中再出戰歐霸，呢場或多或少可能有啲保留，信拉素小勝開「讓和」。（周一4，無綫網絡電視301頻道周二2:00am直播）

拉素近4戰贏3場，當中高路斯連續兩場都有波入，呢個前鋒今季後會掛靴，應該都希望打好每一場賽事。事實上，佢哋賽前只落後第3嘅拿玻里2分，雖然意大利盃有望晉身決賽，但歐聯席位似乎更重要，呢場肯定會擺強陣迎戰費倫；而費倫天拿自有穆罕默德沙拉加盟後愈打愈好，近13場佢哋未輸過，而且對上3戰分局贏國米、熱刺同祖雲達斯，但睇佢哋歐霸上一圈對熱刺時都用盡全力，似乎球會都想喺兩個盃賽爭功，呢場甚有留力可能。

祖記留力未必大勝

另一場祖雲達斯對薩斯索羅，祖記兩場不勝，似乎個心飛咗去歐聯度，以佢哋現時聯賽有9分優勢計，邊場認真都未知；薩斯索羅今季打得好，全因前線有兩個意大利國腳，但今場文尼高貝拉迪唔打得，益晒主隊小勝。（周一14，無綫網絡電視301頻道周二4:00am直播）