紅魔鬼爆“廠”

 紅魔鬼爆“廠”

    英格蘭足總盃八強明晨上演冠軍前哨戰，兩支奪標大熱曼聯與阿仙奴正面交鋒。雙方近七次碰頭，曼聯取得五勝兩和不敗，“雲總”近年對住曼聯似乎無計可施，尤其近六次去到奧脫福，更全部敗北而回。今年要衛冕足總盃，恐怕呢關亦難過。

    曼聯要爭聯賽錦標機會微乎其微，足總盃肯定係雲戈爾最大期望。球隊近況都算對版，近十場各項比賽只輸過一場給史雲斯，其中有七場勝仗，論球員狀態應該值得信賴。至於人腳方面，雲佩斯有傷唔踢得。不過，朗尼近期發揮穩定，仲有法卡奧、馬達與迪馬利亞等攻擊手，前線火力不成問題。只係中路守將伊雲斯需要停賽，某程度有些少影響。不過主場出戰，以攻代守，相信會取得場上較大優勢。

    阿仙奴近期戰績亦不俗，惜在歐冠盃十六強首回合受到打擊。至於近五場勝仗，其實對手實力只一般，今場作客對住勁敵曼聯，肯定係艱苦一戰。初盤曼聯讓平手／半球，捧紅魔爆“廠”。

    推介：曼聯2:0