蒙彼利埃主勝有「里」   一直緊守「法甲一哥」席位嘅里昂終於開始腳軟，尤其係上場作客里爾領先緊半場都要反輸，令到連續11場聯賽不敗嘅神話亦終結埋，睇嚟首席射手拿卡錫迪早前受傷之後已經冇季初咁銳！反而蒙彼利埃喺新年之後就保持大勇，仲一口氣由中游打番上中上游嘅位置，據報前鋒艾特法拿同埋中場莊拿斯馬田都未必出得，不過只要巴里奧斯冇病冇痛就夠殺有突。（周日51，無綫網絡電視302頻道周一4:00am直播） 早場里爾近期見到有明顯好轉，喺上個月作客已經贏到蒙彼利埃，上場甚至反勝里昂，一場就話意外，不過連場有咁嘅表現就係實力嘅表現，作客甘岡讓球開到平手盤坐走望贏。（周日38，無綫網絡電視302頻道周一0:00am直播）