巴塞讓主「華」麗登場

巴塞讓主「華」麗登場

蘇亞雷斯曾經講過，只要能夠喺月尾嘅「國家打吡大戰」擊敗皇馬，再贏晒餘下嘅西甲賽事就可以後上奪冠，先唔諗有冇呢個可能，此番言論某程度上亦反映出「藍紅兵團」仲未放軟手腳先啦！（周日16，now632台周日7:00pm直播）

估唔到去到呢個時候又輪到巴塞發力，之前已經喺歐聯踢到曼城毫無還手之力，周中再喺西班牙盃「雙殺」實力唔錯嘅維拉利爾晉身決賽，冇錯今晚對住華歷簡奴有尼馬因為停賽而無法上陣，不過「哨牙蘇」喺近5場比賽攻入5球，立即令到所有批評者都要收聲，仲未計美斯同埋柏度洛迪古斯等多位球星個個都識入波，讓主破天荒開到「-3」，可以照捧等睇好戲。

另捧皇蘇主勝

尾場另一隊巴塞隆拿市嘅球隊愛斯賓奴就會作客皇蘇，留意呢類中游份子一定係以盃賽為主要目標，不過愛斯賓奴出盡九牛二虎之力都喺主場不敵畢爾包，始終前線嘅史杜安尼、沙治奧加西亞，同埋卡些度呢幾位主力得分手同時失準真係非常致命，唔識入波仲要作客要轉捧對家皇蘇。（周日37，香港時間周一0:00am開賽）