利華古遜讓客興「邦」

利華古遜讓客興「邦」

喺盃賽要踢到加時先至晉級當然唔算係最理想嘅賽果，不過亦表明到利華古遜目前係以力保前列位置為首要任務，目標明確到咁，今晚作客護級份子柏達邦大家知要點做啦。（周日42，有線61、64、201及203台周一0:30am直播）

剛剛利華就喺德國盃同凱沙羅頓踢到加時先至分到高低，就咁計90分鐘賽果的確係唔太理想，不過唔好睇漏佢哋當時缺少咗今季大勇嘅孫興民，一到加時立即就入到兩球，睇嚟佢哋一發力真係唔係講玩！留意利華今晚有番孫興民，而傑斯寧同埋查漢奴古等多位主力都可以落場，係爭羅比古斯同埋謝華積，換言之幾乎能夠以「夫添」作客柏達邦，擺到明有心爭歐聯席位就唔好要客勝，追口「讓客」都唔過份。

早場撐法蘭克福下盤

早場科隆即使係返到自己地頭，面對住法蘭克福都唔敢睇好佢哋！要小心科隆喺歇冬之後，前線唔係幾入到波，喺近7戰只係入到3球，首席射手安東尼烏查嘅入波數字都未去到雙位數字，靠佢入波贏法蘭克福太大想頭。（周日32，有線61、64、201及203台周日10:30pm直播）