普雷斯頓讓客得「米」  英甲今晚上演前列戰由三哥米爾頓凱恩斯主場對二哥普雷斯頓。主隊近兩周聯賽輸晒，對手亦只係高雲地利同車士打菲特，加上陣容上後衛李雲頓要坐波監，射手保迪治同中場班迪爾阿利就因傷倦勤，要讓波唔值博。普雷斯頓英足盃被曼聯淘汰後未嘗一敗得3勝1和佳績，上周臨完場迫和唐卡士打預期會令佢哋士氣更盛，配合射手碧福特等腳風都夠順，「讓客」可放心捧場。（周六37，香港時間周六11:00pm開賽） 另一關揀彼德堡對奧連特。前者喺領隊戴倫費格遜離隊之後連贏巴拉福特同錫菲聯，似乎得到重生；至於奧連特上場喺主場大敗俾布里斯托城，中場主力萊特占士又唔出得，主勝冇走雞。（周六38，香港時間周六11:00pm開賽）