多蒙特「漢」好開讓和

多蒙特「漢」好開讓和
 
德甲今晚如常有賽事，當中聯賽4連勝，已殺上第10嘅多蒙特會作客漢堡，「蜜蜂兵團」周中未有歐聯打，呢場又可全力出擊，不過小心周中德國盃時馬高列奧斯傷出，雖然睇落冇咩大礙，高普穩陣計，就算佢打得都會先放喺後備，如果冇咗佢多蒙特可能只會小勝，買「讓和」。（周六18，有線64及203台周六10:30pm直播）
漢堡俾拜仁狂炒0:8之後仲未止血，對上兩場1和1負，呢季又要繼續護級；之不過波都係一場還一場計，呢場多仔缺列奧斯，就有如上半季多蒙特大部分時間嘅陣容冇分別，如果冇咗呢個超級引擎，多蒙特打唔打得出對上幾場氣勢都未知，如果唔係信奧巴美揚等腳風順，呢場可能小勝都做唔到。
同時間二哥禾夫斯堡出場，禾堡落後拜仁8分，以後者實力根本冇可能季尾輸3場，所以話聯賽有得追只係數字遊戲，而禾堡同時領先第3位慕遜10分，歐聯席位極之穩陣，所以呢刻佢哋冇可能再將注意力放喺聯賽，反而德國盃同歐霸盃先至係目標，嚟緊星期四要主場大戰國米，呢場禾堡留力唔出奇，奧格斯堡主場一向好惡，點都博主隊不敗開「讓主」。（周六16，香港時間周六10:30pm開賽）