熱刺客勝「士」日精選

熱刺客勝「士」日精選
 
呢周嚴格講冇英超打，唯一一場昆士柏流浪對熱刺，係熱刺上周打聯賽盃嘅補賽；熱刺聯賽盃輸波後周中立即反底，總算保住一絲爭前4希望，而昆流啱啱不敵另一北倫敦球會阿仙奴，球隊缺有能力領隊帶隊只係等降班，呢場仍睇好熱刺。（周六21，now621台周六11:00am直播）
熱刺上周不敵車路士，普捷天奴都話當買個經驗，而佢哋士氣真係冇受影響，周中擊敗史雲斯反底，結束5場不勝走勢。事實上，熱刺已經喺歐霸出咗局，現時只餘下英超戰線，相信經過周中小輪換後，呢場肯定會擺強陣出擊，幾大主力如基斯甸艾歷臣、哈利卡尼等都出場。而昆流今場續有祖爾巴頓停賽，而且球隊自哈利列納離隊後，都冇意思搵番個主帥救亡，似乎打定輸數落英冠，球員缺乏鬥志下都好難擊敗熱刺。
同晚英足盃最有睇頭都肯定係阿士東維拉對西布朗。雙方3日前先喺聯賽踫頭，當時維拉完場前博得12碼，由賓迪基攻入奠勝，西布朗新教頭普利斯受過一次教訓肯定唔會重蹈覆轍，呢場應會更謹慎，雙方又太熟路難以多波入，幾有可能開入球細。（周六51，now621、633台周日1:30am直播）