富咸「尼」料開入球細

富咸「尼」料開入球細
 
贏到勁旅都唔好咁快開心住呀，冇錯仲喺護級漩渦當中掙扎緊嘅富咸，喺上個月尾爆冷贏過有份爭升班嘅打比郡，不過咁搞法即係話畀其他人知自己有反撲能力，令到對手有晒防範！（周五20，無綫網絡電視301頻道周六3:45am直播）
今季降落英冠嘅富咸自從解僱咗馬加夫之後，一直用西蒙斯做看守領隊，點知看守咗大半季都搵唔到繼任人選，似乎明眼人都知道富咸就好似一艘沉緊嘅戰艦，點救都救唔番，結果咪冇人肯上呢艘賊船。不過富咸間唔中都會踢番場代表作，好似上個月尾就試過喺主場爆冷擊敗有機會直接升上英超嘅打比郡，問題係咁樣贏波法對於一隊護級份子嚟講實在唔太着數，至少其他球隊見你有能力贏波都會打醒番十二分精神先啦。

般尼茅夫踢法保守

偏偏作客嘅般尼茅夫今季雖然一直都緊守喺前列位置，但係如果想升上英超，就要解決作客唔掂嘅問題，喺近5場作客賽事，竟然輸足4次咁多，嚟到呢段爭升班嘅關鍵時刻，執到1分就係1分，估計佢哋全場會踢得非常保守，不過亦唔會咁容易就俾富咸圍攻，兩隊都冇乜本錢贏波，吼「細」仲穩陣。