圖盧茲去「馬」開下盤   法甲星期五例牌有比賽，由圖盧茲主場對住馬賽。後者排名較高，但近況同作客能力都惹人懷疑，仲要讓平半講真唔多值博，必捧下盤。（周五17，無綫網絡電視302頻道周六3:30am直播） 威威捧圖盧茲絕對唔係亂嚟，呢隊波依家雖然排喺第18位，但近績其實開始有改善，當中主場更先後贏咗蘭斯同雷恩，並迫和聖伊天，證明主場威力有所提升，近排腳風順球員好似阿歷山大比錫、賓耶達同埋阿古拿都可以候命，主場受讓平半絕對抵玩。 至於馬賽近期唔知食錯啲乜，聯賽接連失分近8戰僅2勝，最緊要係佢哋客場例牌腳軟，近10戰1場都冇贏過，揸住咁弱雞賽績仲話要讓波真係笑大人個口，睇怕都係連續兩季作客贏唔到圖盧茲。