恩高斯達特「厄」重兵   德乙一哥恩高斯達特會喺今晚登場造訪奧厄。無疑恩軍近3場波都贏唔到，但球隊上場被迫和有啲欠運，加埋傷將如羅拔包亞已可復出，依家得番丹尼達哥斯達同艾格拿兩位傷兵，有利發揮正常水準。奧厄聯賽排名遠喺客隊之下，球隊聯賽亦2場不勝包括主場輸俾達斯泰特，證明主場威力一般，再加埋蘇活特、保奴斯同埋洛維高華斯等主將都因傷倦勤，1.8倍客勝放心捧場。（周五2，香港時間周六1:30am開賽） 同時間紐倫堡會對海登威。紐軍近況唔差，最近3周得2勝1和，相反海登威已失季初黑馬本色，近8戰6負聯賽跌到落第11位，球隊今戰仲有添姆比亞文同施奧斯亞缺陣，難搞。（周五4，香港時間周六1:30am開賽）