曼聯讓和「特」別推介

曼聯讓和「特」別推介 

今晚英超又開波啦！睇番幾場波嘅戲碼都係一般，最有睇頭嘅要數紅魔鬼曼聯主場迎戰新特蘭。表面睇又係大炒格，但一來唔知雲高爾用咩陣，二來尹佩斯因傷缺陣，攻力進一步受打擊，睇嚟主隊最多小勝1球開「讓和」。（周六15，now621台周日11:00pm直播）

如果要搵一支最有娛樂性嘅英超球隊，就今季嚟講肯定非曼聯莫屬！紅魔主帥雲高爾出晒名鍾意玩新陣式，又或者發掘球員潛質，今季先有馬高斯盧祖打中堅，繼而菲爾鐘斯斬角球，近期仲將費蘭尼推上打正箭頭，打亂章下一度七場不敗。不過紅魔鬼上周對住稍為有啲能力嘅史雲斯，又即時現形輸1:2，呢場波冇埋尹佩斯同占士威爾遜，攻力進一步受打擊，睇嚟主隊最多小勝1球。
雲高爾今季打亂章程度，連啲資深曼迷都摸唔透，不過咁樣朝令夕改，曼聯打唔出隊形都係事實。近戰曼聯雖然贏波多，但以贏般尼一仗為例，都只係靠史摩寧神來之筆攻入兩個頭槌，加上尹佩斯嘅12碼，成場波曼聯冇絕對優勢，進攻上亦只得兩路出波一招，只要對手有啲反撲能力，曼聯都惡唔出樣，而今仗新特蘭應付高波能力唔差，呢場曼聯要入波都要相當運氣幫忙。

尹佩斯因傷缺陣

而更大件事係，呢場尹佩斯肯定唔出得，呢位射手上場對史雲斯受傷，經檢查後至少要唞一個月，對阿仙奴嘅足總盃賽事肯定缺陣，而冇埋呢位射手下，曼聯可用嘅進攻招數就更少，用費蘭尼屈頭槌，定係出法卡奧博一博，似乎都唔係一個有效方案。
新特蘭已經4場未贏過，不過佢哋除咗0:8不敵修咸頓一役外，其餘作客賽事未試過輸多過1球，強如曼城都只係小勝3:2，呢場客隊冇太多主力缺陣，死守下唔會咁容易輸，如果唔係曼聯有主場之利，紅魔再失分又有咩出奇！