費倫主勝天官刺福

費倫主勝天官刺福
 
意甲今晚喺歐霸就4路興兵，如果攞番個冠軍，就等於多咗個歐聯資格，系數高啲多啲人注意都係好事。而今晚4支球隊中，費倫要出線阻力最大，因為對手為英超球隊熱刺，不過熱刺有聯賽盃決賽後顧，呢場肯定唔會去盡，一於信「紫百合」贏波。（周四5，有線64、204台周五2:00am直播）

意甲球壇嚟講，今年又係風雨飄搖嘅一年，前班霸帕爾馬宣布破產，球會入場人數持續偏低，又冇球星加盟，個聯賽都唔知點維持落去，唯一解救方法就係各隊同心合力，喺歐洲賽打番好成績，咁歐聯祖雲達斯都算爭氣，至少主場贏咗多仔，今晚大家就要睇實幾隊意甲球隊啦！
熱刺嚟緊周日就要硬撼車仔，有盃在前肯定唔會喺歐霸出全力，預期穩陣起見，甚至連哈利卡尼、基斯甸艾歷臣都會收起，而費倫天拿都算齊人，包括前鋒馬里奧高美斯都在陣，睇佢哋近8場不敗走勢，狀態決心都應在熱刺之上。

另捧國米W拿玻里大

至於另一意甲球隊國際米蘭，換上文仙尼執教開始有起色，近4戰取得3勝，而且首回合作客踢成3:3，手執3個作客入球，雖然今場佢哋有多個新兵因踢過歐聯唔得，但本身班底都喺些路迪之上，贏波絕對冇問題。（周四6，香港時間周五2:00am開賽）
至於夜啲開波嘅拿玻里對特拉布宗，就已經有啲友誼賽意味，因為拿玻里首回合已經贏到4:0，今次有埋主場之利對手都冇可能反先，相信特拉布宗都幾可能全副選應戰，而賓尼迪斯都好有可能因應賽果而收起主力，呢場雙方冇勝負包袱，預期都會開放式對攻，入球大絕對係今場首選。（周四14，香港時間周五4:05am開賽）