比錫達斯要謀“利”

比錫達斯要謀“利”

歐霸盃卅二強明晨展開次回合，英超勁旅利物浦揸住一球在手，作客土耳其三大豪門之一嘅比錫達斯，要殺入十六強，今仗至少要保不敗。始終歐洲列強去到土耳其並非如魚得水，土超球隊主場有一定威力，熱刺曾在分組賽到訪比錫達斯亦落敗而回，紅軍要再一次擊倒對手又談何容易。

落後一球嘅比錫達斯為要收復失地，今場必圍剿紅軍，預料派出巴亞拍住柏迪麥克與沙漢兩位土耳其國腳負責攻堅，新加盟嘅米路斯域及高爾巴斯兩大守將經已傷癒可以披甲，整體人腳比首回合作客更加完整。其實上場對紅軍，比錫達斯亦有唔少埋門機會，只可惜九次攻門只得一中目標，如果今仗能夠把握門前一腳，絕對可以復仇成功。

聯賽兩球擊敗修咸頓，利物浦的確越戰越勇。問題係已連續三星期的一周雙賽，今戰係廿一日內第七場，仲要舟車勞頓，體能上經已輸蝕，呢場硬仗肯定唔易踢。

初盤平手，捧比錫達斯主場“浦”得起。

推介：比錫達斯1:0