哥連泰斯讓客謀「利」  中北美洲冠軍盃8強戰首回合，哥斯達黎加嘅薩普里沙喺主場冇把握收服墨西哥傳統勁旅CF阿美利加，因為客軍近日狀態相當好，新教練馬圖沙斯功居至偉，捧1.85倍客勝唔使諗。（周三17，香港時間周四10:00am開賽） 薩普里沙有前鋒阿拿奧斯、中場蒙坦尼高同埋後衛軒尼亞莫拿因傷無緣喺呢場8強首回合披甲，而客軍阿美利加前鋒賓尼迪圖就狀態大勇，已經連續4場取得入球，加上另一射手奧利比柏拉達腳風亦順，放心捧阿美利加1.85倍客勝。 另外，巴西聖保羅省聯賽方面，利倫斯未夠班係人所共知嘅事，今晚即使有主場之利，都唔會係名牌球隊哥連泰斯嘅對手，「讓客」2.65倍要追。（周三12，香港時間周四6:30am開賽）