森林下盤「夫」之欲出

森林下盤「夫」之欲出 

英冠今晚上演諾定咸森林對般尼茅夫，主隊森林喺新帥費特文領軍下戰績彪炳，近4場聯賽獲3勝1和不敗佳績，相反般尼茅夫3戰不勝，作客更難逞強，森林受讓平手、半球必捧下盤。（周三11，香港時間周四3:45am開賽）

森林喺新帥費特文領軍下持續有進步，上周喺主場以4:1輕取保頓，全隊嘅信心同士氣都處於高點，最重要係森林火力全開，近4仗獲3勝1和不敗之餘，當中都累積攻入14球，基斯布基腳風最順，3仗入4球，蘭斯貝利亦都連續4仗有士哥，加上米查利安東尼奧等人亦有建樹，球隊得分點分佈好廣，要防住佢哋並唔容易。

主隊近3戰不勝

安祖列特鼠蹊受傷只能做觀眾，高漢同埋艾桑巴朗加就因為膝傷長期缺陣，賀比斯亦預料要稍後時間先復出，不過上述幾名球員都算係長期傷兵，換言之領隊費特文一早有部署，故影響不大。
般尼茅夫上仗以1:3不敵賓福特，近4仗作客3連敗仗兼失7球，而且球隊一眾射手忘帶射門鞋，近3仗不勝並且喺下半場唔識入波。丹高士寧已復出，不過奧卡尼、蘭泰同埋卡基爾全部倦勤，而哈利艾達更加要停賽，作客讓平手、半球簡直係大整蠱，捧森林開下盤喺主場收服般尼茅夫係最佳選擇。