帕丘卡主場向前「衝」 中冠盃唔經唔覺去到8強階段，聽朝焦點所在自然係尾場帕丘卡對蒙特利爾衝擊。首回合先有主場之利，帕丘卡自然會想先下一城，而佢哋亦有唔錯近績支持，近戰連贏阿特拿斯同利昂，狀態轉佳當然有力開出主勝。蒙特利爾衝擊級數未必差主隊太多，但佢哋有兩大弱點，一向作客唔得，近10戰3和6負，二係美職未開季，狀態同踢緊墨超嘅帕丘卡比肯定差咁啲，必捧對家。（周二34，香港時間周三11:00am開賽） 另一場CD奧林比亞對希雷迪亞洛。前者自然想靠主場食胡，球隊亦揸住主場4連勝佳績，明顯靠得住。至於希雷迪亞洛分組同整體客場賽績都一般，首回合先落後機會高。（周二31，香港時間周三9:00am開賽）