波圖讓客放手一「博」  就快要面臨魔鬼賽程嘅波圖難得只係作客弱旅博維斯塔，話唔定會咬緊牙關捱埋落去，要睇佢哋點樣表演開出「讓客」。（周一9，香港時間周二4:00pm開賽） 大年初一晚波圖喺歐霸只係作客同巴素利踢成平手，搞到大家收唔到封過年利是，不過唔好忘記踢兩回合嘅盃賽作客能夠保持不敗，再攞埋個作客入球已經非常難得，仲未睇到積臣馬天尼斯等主力有回落跡象。另外，仲要睇埋波圖踢埋今場葡超之後，打後先要面對士砵亭，後要歐霸再鬥巴素利爭出線權，偏偏佢哋又要縮短同榜首賓菲加嘅分數差距，唔趁住今次作客博維斯塔嘅機會攞分就等於將個聯賽冠軍拱手相讓，實在難怪初盤「讓客」只係得嗰1.56倍咁熱啦。