利雲特上盤收錢「格」  護級球隊一係唔識入波，一係後防永遠漏水，而CF格蘭納達就兩樣都齊，仲要作客另一隊護級份子利雲特睇怕都只會送分。（周一7，香港時間周二3:45am開賽） 作客嘅CF格蘭納達由上年9月尾計起只係贏過一場波咁大把，攻力唔得當然係最大問題，到目前為止經過大半季只係入到14球波，雖然唔知道呢道呢個入球數字係咪西甲全季最少嘅入球數字，但係依靠咁疲弱嘅鋒線都唔敢望佢哋會有乜嘢表現。反而主隊利雲特冇錯亦係護級份子，不過前仗能夠喺主場大炒馬拉加，就已見到有反底跡象，今晚僅得馬里中場施素高，同埋後衛柏度盧比斯無阻佢哋採取主動，讓球只係少讓平手、半球撐硬佢哋喺新年幫到大家發「達」。