拿坡里“索”硬

拿坡里“索”硬

好耐都冇推介意甲啦，今日就轉吓口味，介紹場拿坡里對莎索羅。

排第三位嘅拿坡里要爭聯賽錦標已非常渺茫，目前環境只係“保三爭二”，最少要保住下季歐冠席位，搶分目標相當鮮明。至於對手莎索羅排中游位置，暫時嚟講唔需要愁護級，要爭踢歐戰似乎又未夠“料”，只希望力爭上游，盡力踢好每一場比賽。由於整體戰力明顯在拿坡里之下，加上仲要作客，今場實在期望唔大，只望輸少當贏。初盤拿坡里讓一球，有多名國腳級攻擊手助陣，拿坡里要贏波應該問題不大，更可博最少贏兩球或以上。

拿坡里有希古恩及卡利祖兩位前皇馬鋒將外，仲有荷蘭國腳迪古斯文與哥倫比亞射手沙柏達。雖然唔算頂級，但一樣極具殺傷力，近三場聯賽主場全勝兼攻入六球，上場歐霸盃作客亦大炒對手四蛋。對拿坡里嘅火力信心十足。

莎索羅嘅防守能力一向都比較脆弱，今仗更有正選門將柏高奴、兩大守將維沙爾高與泰拿洛華齊齊因傷缺陣，只靠老將簡拿華路支撐大局。睇怕條防線等於不設防。

推介：拿坡里3:0