聖伊天入球大去「馬」 眼見主要嘅競爭對手聖日耳門少有咁鬧兵荒，馬賽唔趁住呢個黃金機會拉開分數就冇得怨人，以教頭比爾沙嘅性格相信今晚會盡派基格納、阿休，同埋皮耶等多位進攻球員落場，問題係主隊聖伊天都唔好惹，預計呢場法甲將會互有攻守，雖然唔知道邊隊會贏，但係「大」就毫無疑問。（周日39，無綫網絡電視302頻道周一4:00am直播） 而里昂上仗作客羅連安特苦無破門方法，睇嚟缺少咗射入22球嘅前鋒拿卡錫迪真係有好大影響，夠住其餘嘅費基亞、哥古夫等人迎戰中游嘅南特就算贏到個比數都唔會大得去邊。（周日24，無綫網絡電視302頻道周一0:00am直播）