禾堡讓主五福「林」門

禾堡讓主五福「林」門
 
德甲今晚焦點戰肯定係尾場禾夫斯堡對哈化柏林，而論級數雙方明顯有距離，主隊發揮水準要開「讓主」唔難。（周日29，有線61、64、201及203台周一12:30am直播）

禾堡1月喺車路士引入舒賀爾尼，球隊實力的確得以提升，所以佢哋歇冬後踢5場波得4勝1和，包括上禮拜作客5:4險勝利華古遜，以及過去周中歐霸2:0輕取士砵亭，故就算中場保羅施古恩要坐波監，但有巴斯杜斯、奇雲迪布尼同比列錫等壓陣下，要贏歇冬後4戰3負，3場波都食白果嘅哈化應該唔難，1.83倍「讓主」有計。
早場漢堡對慕遜加柏。漢堡對拜仁雖然輸8強，但之前其實連贏到柏達邦同漢諾威，只要唔失信心仍有得打；慕遜加柏周中先打完歐霸，作客西維爾輸0:1，體力未復下靠唔住。（周日21，有線61、64、201及203台周日10:30pm直播）