愛華頓上盤明益「李」

愛華頓上盤明益「李」
 
愛華頓今晚喺葛迪遜對李斯特城，真係未打都知邊隊贏，事關拖肥糖周中歐霸取得大捷，全隊士氣如虹，相反李斯特城4連敗頹到爆，愛華頓讓半球、一球當然冇問題，上盤心想事「城」。（周日20，now621台周日10:05pm直播）

盧卡古使咗愛華頓過億港元轉會費，終於都印證咗係物有所值，佢喺周中歐霸首回合大演帽子戲法，協助球隊作客以4:1大勝瑞士年青人，雖然史東斯喺呢場比賽領紅牌，但絕對唔使喺英超服刑，只要拖肥糖踢出對年青人場波嘅七成水準，相信已足夠喺今晚嘅英超賽事贏波贏盤。
李斯特城近況非常差，已經累積4連敗，上周足總盃更加以1:2不敵阿士東維拉而出局，兩位主力卡斯柏舒米高同埋基斯活特都會繼續倦勤，而由車路士加盟嘅門將舒華沙就明顯已過顛峰，上次球隊不敵維拉，佢要為第二個失球負責，由呢位澳洲老將把守大門，李斯特城後防真係有得震冇得瞓。睇埋往績，李斯特城近3次到訪葛迪遜公園球場只係取得1和2負劣績，格食格味道好濃，所以捧愛華頓讓半球、一球上盤包冇錯。