熱刺上盤老少「咸」宜

熱刺上盤老少「咸」宜

超級星期天整場倫敦打吡大家嘆，熱刺近況雖然稍見回落，但係今晚有主場之利相助，加上對手韋斯咸更加頹，所以呢3分絕對係囊中之物，足智彩開讓球盤，熱刺讓半球、一球上盤冇走雞。（周日5，now621台周日8:00pm直播）

熱刺周中歐霸首回合捉到鹿唔識脫角，雖然有蘇爾達杜先開紀錄，不過就俾費倫天拿嘅荷西巴辛達追成1:1完場，想出線尚需努力，而喺下周出發去意大利踢次回合之前，最佳嘅振奮士氣方法梗係贏韋斯咸攞3分啦！適逢前鋒哈利卡尼腳風超順，幾位主力好似基斯甸艾歷臣、安祖斯唐辛、查迪尼、維頓漢同埋洛里斯又冇傷冇病，夫添加上主場出擊自然勝算高，領隊普捷天奴都話冇理由攞唔晒3分，咁就睇熱刺表演喇！
韋斯咸近4戰不勝，上周喺足總盃更加以0:4慘敗俾西布朗而出局，全隊信心同埋士氣都動搖，加上主力之一嘅艾馬菲達奴停賽，安祖卡路爾又啱啱做完手術，今季提早收咧，領隊艾拿戴斯想排強陣都難，即使有新援尼利加盟都幫唔到幾多，所以足智彩開讓球盤，韋斯咸難阻熱刺開出上盤。