侯城上盤「士」日重心 英超今晚有場護級大戰由侯城主場迎戰昆士柏流浪。侯城近兩周演出大躍進，留守主場對住不擅作客嘅昆流有力再下一城，讓平半盤放心捧場。（周六15，now635及668台周六11:00pm直播） 侯城近兩周都算威水，前周作客1:1迫和曼城，唔係占士米拿臨尾整腳靚罰球，其實已經贏咗，而上周佢哋就主場2:0輕取維拉，射手謝拉域打破近期悶局後，對信心肯定有幫助；總之侯城近況唔差，依家亦僅得迪亞美同辛迪加斯等長期傷兵，有力再攞3分。至於昆流上輪作客贏新特蘭，打破作客連敗局面，但簡單講佢哋之前連敗，肯定係客場能力弱表現，加埋球隊目前有查理柯士甸、伊斯拿、利萊費亞同奧奴夏等大批傷兵，邊隊贏都好易估啦。