維拉平手盤「篤」定中 護級形勢水深火熱嘅阿士東維拉，今晚會喺主場迎戰史篤城。維拉有新帥舒活領軍，預計初期肯定有啲衝擊，面對連續大敗嘅史篤城，平手盤抵玩。（周六12，now624台周六11:00pm直播） 維拉有新帥舒活上場，睇之前水晶宮同西布朗換帥後表現都立即有改善，有理由相信呢類球隊換帥後會有一輪新氣象；事實維拉上場亦係英足盃淘汰李斯特城反底，球員士氣該有所提升，讓球開平手盤坐走望贏。 史篤城近兩周比賽輸晒，但奇怪係無論對曼城定布力般流浪，佢哋都係輸1:4，近況似有所下滑；無疑史篤城今季肯定冇咗進攻核心保贊，今晚又有後衛謝夫甘馬倫要坐波監，一攻一守主力都唔打得，作客維拉好有機會成為送分童子。