捧車仔讓主「般」錢走

捧車仔讓主「般」錢走
 
恭禧發財！雷神喺度祝各位讀者今年橫財就手！賭乜贏乜呀！講到收錢，今晚就梗係要捧車仔啦，佢哋過去周中歐聯迫和巴黎聖日耳門，目標暫時達到後，自然就要喺聯賽再攞3分，以般尼防守力計，車仔讓2球唔過份喎。（周六13，now622台周六11:00pm直播）

好多人話，車仔周中唔使輸俾聖日耳門好有運，但其實係人都估到摩連奴嗰場冇諗住贏架啦，依家攞到和波兼作客入球，下回合先搞掂你都未遲喎！而又有人話，車仔唔輸純靠泰拔高圖爾斯，但人哋有好龍門又唔得？依家就係話你知任何球隊想要喺車仔身上攞個入波都唔易，如果係咁車仔讓多少少都唔算蝕底啦。至於人腳方面，藍戰士依家都係得番約翰米基爾一件傷兵，迪亞高哥斯達更停完賽可以復出，初盤讓球主客和讓2球，捧定「讓主」等「般」錢走啦。

般尼防守英超最差

客軍般尼聯賽排包尾二，大家要注意一點，係佢哋今季已失咗43球，防守表現之差係全英超之冠；此外，球隊賽前傳出有射手丹尼艾格斯季後離隊去皇蘇，肯定影響埋球隊士氣，作客史丹福橋聽炒。