多蒙特“加”分進爵

多蒙特“加”分進爵

德甲明晨獨腳戲上演搶分大戰，由史特加火併多蒙特，目前德甲榜尾形勢亂過亂世佳人，由第十位打落開始隊隊都有降班危機，排最尾嘅史特加更加危在旦夕，就算今仗能夠全取三分，依然都係“副班長”，所以非搏不可。不過，歇冬之後四戰只得一和三負，球隊狀態認真低迷，對住正在回勇嘅多蒙特，史特加一分亦難保。

多蒙特雖然下周要踢歐冠盃，但當前護級更加重要，為提早脫離危險地帶，今戰三分志在必得。初盤多蒙特讓半球 / 一球，捧“蜜蜂兵”贏“特”一球以上。

首循環史特加作客雖然搶得一分，但全場被多蒙特狂攻，唔輸的確好彩，話就話今仗有主場之利，可惜主場戰績差到冇朋友，十戰只得一勝兩和七負，兼只得四球進賬，根本毫無贏波本錢，睇怕要搶一分都難。多蒙特兩連勝全取六分，士氣大大提升，且兩場共攻入七球，前線火力全開，講入球能力已優勝過對手，何況近四次作客史特加取得三勝一和不敗，今戰勝利在望。

推介：多蒙特2:0