紅軍劈“錫”賀新春

紅軍劈“錫”賀新春

恭喜發財，今日大年初一，首先祝大家新年快樂，萬事如意，羊年贏波贏到開巷。既然今日係大年初一，當然要鴻運當頭“紅噹噹”，所以推介英超球隊“紅軍”利物浦畀大家賀新禧，就係歐霸盃卅二強首回合，利物浦對比錫達斯。

紅軍由去年十二月中開始，真係唔知個“輸”字點寫，近十六戰取得十勝六和不敗，狀態仲勁過炮仗聲。更值得開心係兩大攻擊手開始有料到，傷癒復出嘅史杜歷治在上場足總盃取得“士哥”，“巴神”亦唔執輸，反勝熱刺一戰更成為贏波功臣。加上拉蘭拿與古天奴近期都有出色發揮，紅軍的確增加唔少贏波本錢。歐霸盃肯定係紅軍今季重頭目標之一，今場必搶硬對手。

比錫達斯貴為土超一哥，實力亦唔差得去邊，不過上次到訪晏菲路球場慘吞紅軍八蛋，雖然屬N年前嘅事，但大家睇返往績，利物浦球員心理上始終佔優，必會放盡狂攻比錫達斯。初盤利物浦讓半球／一球，一於賀紅軍恭喜發“達”。

推介：利物浦2:0