捧小保加名「利」雙收  自由盃C組首輪比賽，小保加會作客智利代表柏利斯天奴。柏軍上季表現唔差，但今季就無以為繼，依家喺聯賽排第15位，近3場波全部輸晒，難怪主場都有受讓。至於喺阿甲旗開得勝，主場3:1大炒奧林普嘅小保加今季換血，但新兵好似阿歷西斯洛連都有級數，另射手安祖斯查維斯等都可以候命，冇嘢要懷疑讓平半盤放心捧場。（周三5，香港時間周四5:45am開賽） 同時間瓜蘭尼會對士砵亭水晶。要注意巴拉圭聯賽已開始咗幾輪，瓜蘭尼論狀態肯定喺仲踢緊季前盃賽嘅士砵亭水晶之上，加埋主隊有齊費迪歷高辛坦拿等主力壓陣，難怪聽朝早會成為一面倒熱門，2.45倍「讓主」抵玩。（周三6，香港時間周四5:45am開賽）