哥連泰斯萬事「聖」意 自由盃聽朝多場分組賽，其中焦點戰肯定係巴甲內訌，哥連泰斯喺主場對住聖保羅。衡量後主隊今季陣容明顯較完整，又有主場之助讓平、半好合理。（周三8，香港時間周四8:00am開賽） 先講吓賽績，哥連泰斯主場都幾勁架，近10戰9勝1和，等閒球隊想全身而退真係唔係咁容易；至於講人腳，佢哋留用到射手荷西古里路，仲喺保地花高買埋前鋒馬斯奧艾馬臣、中場艾迪臣甘馬雷斯同山度士後衛伊度達辛拿，三線實力得到全面性提升；相比之下聖保羅今季冇咗卡卡，頂替佢嘅保地花高中場丹尼爾哥利亞根本上完全唔同級數，供應少咗之下就算前面柏圖識飛都冇用，作客好難踢。