米堡上盤「明」艷照人    英冠周中補賽由伯明翰主場對米杜士堡。後者雖剛喺英足盃被阿仙奴淘汰，但之前6連勝賽績冇花冇假，輸波純因作客兼級數同兵工廠有距離，返英冠再戰肯定唔同講法。再講伯明翰近排賽績急速插水，連續6場不勝得4和2負，包括上場主場輸俾米禾爾，加上球隊仍有馬特格連、根寧同米高摩利臣等傷兵，初盤讓平手、半球着數。（周三3，香港時間周四3:45am開賽） 同時間英甲補賽由奧連特主場鬥巴拉福特。後者喺英足盃成為黑馬，近排亦贏過米爾頓凱恩斯同米禾爾，近況絕對唔差；至於奧連特上場作客苦戰險勝車士打菲特，之前5戰就僅得1和4負，平手盤識買一定買客勝。（周三4，香港時間周四3:45am開賽）