皇馬反“克”大行動

皇馬反“克”大行動

歐冠盃十六強首回合明晨繼續上演，衛冕嘅皇家馬德里與去年一樣，十六強再遇德甲球會史浩克○四。以銀河艦隊強大實力，入八強應該問題不大，就算今仗先踢作客，依然勝算甚高。

史浩克上季在自己地頭慘遭重量級高手皇馬凌辱，大敗一比六，輸到體無完膚，證明球隊嘅作戰能力仍未去到歐洲頂級球會級數。今次又再遇上同一對手，整定冇運行，只希望盡能力踢好兩回合比賽，踢出應有水平。初盤皇家馬德里讓一球／球半，捧銀河戰艦再度力“克”對手。

史浩克教頭迪馬堤奧賽前已講到明，對住皇馬將會用“泊大巴”戰術，先做好防守為主。不過正副門將先後受傷，後防球員又較為年輕，大賽經驗稍為不足，對住踢歐冠經驗豐富嘅皇馬，史浩克想擋“馬”都難。

○比四大敗畀馬體會後，皇馬隨即響起警號，負面新聞隨之而來，幸好上仗生生性性兩球輕取拉科。不過，相信今場會更加重要，最好一場大勝，重現球隊霸氣。火力十足嘅皇馬，最少贏兩球唔難。

推介：皇家馬德里2:0