迪加史卓普攞滿「芬」 就咁睇近績揀波當然唔夠全面，遇到好似芬洛呢類球隊分分鐘會中伏收場！留意芬洛雖然喺最後5場荷乙賽事夠足4次咁多，但係一嚟對手唔算好強，二嚟係佢哋嘅入球能力真係令人有所顧忌。（周二7，香港時間周三3:00am開賽） 表面上芬洛的確冇乜問題，不過有跟開佢哋就唔難發現到其實呢隊波嘅入球能力認真麻麻，入到1球已經好好，能夠入到1球以上直情要去還神！反而主隊迪加史卓普就冇呢個問題，喺歇冬之後甚至能夠連開4W，當然你可以話係對手太弱所致，不過喺呢4W當中加埋入12球波咁多就絕對呃唔到人，呢期火力咁勁有眼見，對住同級嘅芬洛就更加冇藉口留手，直情放棄主勝轉捧讓主都唔過份。