北京好「玻」必捧讓主   唔怕生壞命，最怕改壞名，好好哋一隊波竟然叫自己做玻璃，而且仲要喺亞冠外圍賽作客FC北京，真係要小心會俾對手一擊即碎！唔係話睇低呢隊曼谷玻璃，不過佢哋陣中嘅泰國現役國腳真係少得可憐，面對住有徐雲龍、邵佳一，以及于大寶等國內球星嘅FC北京可以放心捧個「讓主」賀一賀吓農曆新年。（周二2，now670台周二6:00pm直播） 另一隊泰國球隊春武里雖然比起曼谷玻璃更具名氣，但係籤運麻麻竟然抽中日職嘅勁旅柏雷素爾！上季柏雷素爾喺日職同冠軍大阪飛腳嘅分數相差唔遠，而今季佢哋仲有埋大津祐樹幫手，計整體實力絕對遠超春武里，有埋主場幫手撐硬「讓主」。（周二3，香港時間周二6:00pm開賽）