巴黎戰“車”和波格

巴黎戰“車”和波格

 歐冠盃十六強首回合明晨展開兩場激戰，法甲豪門巴黎聖日門火倂英超“一哥”車路士，德甲班霸拜仁慕尼黑將要作客烏克蘭勁旅薩克達。

 聖日門與車路士都算冤家路窄，上季兩隊在八強碰頭皆在主場各勝一仗，總比數三比三，車仔憑作客入球優惠淘汰聖日門，今季聖日門同樣先主後客，所以今仗大巴黎必會搶攻，希望能夠取得領先優勢，上季主場贏三比一。但今時唔同往日，車仔今季無論踢法與部署都截然不同，加上多咗費比加斯、迪亞高哥斯達及古亞達度等猛將，車仔今季戰力更提升唔少，聖日門要再度拆“車”絕對不容易。初盤平手，證明大圍都認為聖日門讓唔起車仔，今仗和波機會相當高。

 另一場薩克達對拜仁慕尼黑，初盤拜仁要硬讓球半，必揀下盤嘅薩克達，雖然薩克達整體實力不及拜仁，但始終有地頭之利，自然踢出加一波。拜仁先踢作客，相信亦唔會太過急於求勝，唔多唔少都會避忌主隊威力。

 推介：巴黎聖日門1:1；

  薩克達1:1