紅魔“雷”聲大

紅魔“雷”聲大

今日繼續推介英格蘭足總盃，英超三“紅”應該成為奪盃三大熱門。早兩日介紹過利物浦與阿仙奴，輪到“紅魔”上陣，曼聯將作客英甲球隊普雷斯頓。足總盃擺到明係雲戈爾今季做“魔頭”後，最大爭標希望，上一圈重賽對住低三班嘅劍橋聯，雲帥都已經驚死過唔到關，盡遣精英上陣，最後都能夠發揮正常以三球大勝對手。今場對住低兩級嘅普雷斯頓，相信雲帥亦不敢怠慢，以最強陣容出擊，爭取殺入八強。

曼聯目前有雲佩斯、卡域克、菲爾鍾斯及比連特有傷，但以球隊班底，人腳平均質素，始終在對手之上，應該夠殺有餘，只係擔心曼聯踢作客表現太過飄忽。所以初盤曼聯要讓到一球／球半，確實有啲暗湧。

普雷斯頓在英甲聯賽主場戰績唔差，至今只輸過一場，雖然級别唔同兼整體對手的戰力與紅魔確有差距，但勝在有天時地利人和，得鄉親父老呐喊助威，料可打出加一波。曼聯晉級問題不大，但要贏到兩球就有一定困難，所以捧曼聯贏波，博贏盤不妨考慮普雷斯頓。

推介：曼聯2:1