捧皇蘇平手盤圖「利」

捧皇蘇平手盤圖「利」 
 
西甲星期五晚例有比賽，雖然戲碼係艾美利亞主場對皇家蘇斯達，唔算太吸引，但後者自莫耶斯領軍後表現確有起色，平手盤要客勝。（周五23，香港時間周六3:45am開賽）
其實艾美利亞都兩連勝架，佢哋連贏咗基達菲同埋科爾多瓦，護級壓力得以舒緩；但初盤竟然唔使讓波而係開平手盤，就令到雷神覺得有啲奇怪；不過又唔係冇得解釋嘅，皇蘇自莫耶斯上場後成績確逐漸有起色，贏巴塞更係佢得意之作，今場作客莫帥肯定會部署打球隊擅長嘅防反戰術，以艾美利亞能力主攻真係分分鐘偷雞唔到蝕渣米，所以讓球開平手盤，捧皇蘇着數。
同日葡超形勢就簡單得多。波圖近3戰對住科英布拉大學、費利拿同摩里倫斯，都可以兩球或以上差距勝出，作客近6戰不勝嘅甘馬雷斯都難逃一敗。（周五24，香港時間周六4:30am開賽）