克馬入球大樂滿「芬」

克馬入球大樂滿「芬」
 
荷甲今晚上演大戰由阿爾克馬爾對燕豪芬。「克馬」近況大有好轉，但客軍近排亦係贏到唔識停咁滯，兩雄相遇相信會踢到飛沙劈石，合演入球騷機會好高下，入球大比任何盤口都更有捧場價值。（周五5，now670台周六3:00am直播）

打稿時阿爾克馬爾排喺第4位，有咁好排名主要原因係佢哋歇冬後表現變得穩定，除咗荷蘭盃輸俾川迪之外，其餘5戰得4勝1和，包括近3戰連贏荷華高斯、阿積士以及格羅寧根，加埋有主場之利真係點睇都唔似會喺今晚比賽落於下風。

燕豪芬攻擊點廣泛

值得一提，克馬喺3連勝途中入咗8球衣多，面對荷、格兩軍一場贏3:1，另一場贏4:2，證明球隊前面入得之餘，防線亦間中會因夢遊而出現失波；加埋陣容方面，艾朗祖漢臣、貝侯斯同馬古斯軒歷臣呢三位包辦近期入波主力都可候命，真係唔愁主隊會冇波入。
燕豪芬做得荷甲一哥，論戰鬥力梗係比克馬更強，球隊今季聯賽踢22戰入58球，火力冠絕全個聯賽，另佢哋自上年12月喺歐霸輸俾斯科戴拿模後，接連踢9場正式比賽得8勝1和，僅喺荷蘭盃打和洛達，聯賽更已累積9連勝，前線迪比、盧克迪莊、韋拿杜姆、阿當馬希、約根盧卡地亞同盧斯安奴拿辛格個個都頻頻攞到「士哥」，前兩者更唔經唔覺下合共入咗25球，呢晚出訪克馬自然亦唔敢話佢哋唔掂，諗過度過都係捧入球大穩陣啲。