西布朗上盤「斯」人醒  世事唔通往往有主宰？今晚西布朗對史雲斯，情況同水晶宮對紐卡素好似。首先西布朗又好似水晶宮咁換帥冇耐，但佢哋仲勁搵到普利斯任教，而呢位英格蘭頂級教頭厲害之處係限米煮限飯同激勵球員士氣，睇佢免費簽到仲有啲戰鬥力嘅費查，以及上輪作客般尼落後兩球都追得和，就知雷神冇講大話，今晚返主場讓平半抵玩。（周三13，now625台周四4:00am直播） 至於史雲斯同紐卡素相似，護級壓力唔大、球員冇戰意，差別係佢哋放走射手邦尼，喜鵲就放教練咁解，仲要冇主場失晒3分係意料中事。