捧水晶宮上盤拆「紐」  水晶宮同紐卡素兩支中游球隊會喺今晚英超快車碰頭。水晶宮上輪作客贏李斯特城，領隊柏祖上任後除咗輸俾愛華頓，其餘比賽全部贏晒，勝出率夠晒高；陣容上球隊亦僅得查馬克同史葛丹恩等長期傷兵，影響唔大下主場讓得起平半有餘。（周三12，now633台周四4:00am直播） 紐卡素上場主場被史篤城迫和，球隊放走柏祖後始終了無生氣；最緊要係柏帥對喜鵲球員非常了解，排陣上肯定可以作出針對性部署；最後紐卡素傷兵潮其實未完結，施安迪莊、史提芬泰萊等都未能復出，睇唔出作客倫敦會有着數。