車仔球半照“愛”

車仔球半照“愛”

英超今晚繼續有連場激戰，其中“一哥”車路士將迎戰愛華頓，要確保領先優勢，必會全力撲擊對手。由於車仔前線火力十足，愛華頓又屬於戰鬥格，有前冇後同樣大踢進攻足球，所以首循環兩隊合演一場入球騷，相信今晚再度交手，入球數字應該唔少。

車仔十一場聯賽主場取得十勝一和不敗，兼攻入廿五球只失四球嘅佳績，愛華頓要逃出史丹福橋球場真係談何容易。更何況整體戰力都在車仔之下，“拖肥糖”只望輸少當贏。初盤車仔讓球半，照捧“藍戰士”贏波贏盤。

車仔今場繼續有迪亞高哥斯達停賽，不過就有中場大將費比加斯復出，仲有新“車手”古亞達度，配合狀態勁弗嘅夏薩特與攻守兼備嘅拉美利斯，球隊中前場依然殺傷力強橫，要攻破防守轉弱嘅愛華頓防線，應該問題不大。

愛華頓今季成績下跌，的確與防守不穩有關。美國鋼門侯活因傷缺陣，查積爾卡、拜尼斯及迪斯天三位後防主力近況表現低沉，係直接影響球隊嘅防守能力，今場真係唔睇好。

推介：車路士3:0