捧阿積士讓主「克」敵   荷甲上演前列大戰，傳統勁旅阿積士喺主場出擊，一向都係信心保證，故即使作客嘅阿爾克馬爾來勢洶洶，預料都難以製造驚人戰果，足智彩開讓球主客和，阿積士「讓主」有2.22倍即刻去「馬」。（周四4，now670台周五3:45am直播） 阿積士同榜首燕豪芬相差12分，要爭標難度甚高，不過為博主場球迷一笑，今晚嘅聯賽都唔可以求其，何況幾位進攻球員好似米利克、舒奧尼、安華艾加斯同埋史基賀臣嘅狀態都唔錯，只要保持到一貫發揮，輕描淡寫攞晒3分唔係難事。阿爾克馬爾上輪荷甲擊敗荷華高斯反底，艾朗祖漢臣、貝侯斯同埋馬古斯軒歷臣3位正選都有士哥，可惜佢哋過往面對阿積士嘅表現麻麻，首循環喺主場都輸1:3，上屆作客嚟到更加慘吞4蛋，格食格味道濃，捧阿積士「讓主」正路。