水晶宮平盤惹人「愛」 柏祖上任後4戰全勝嘅水晶宮今晚將主場迎戰愛華頓。水晶宮同柏祖八字幾夾，球隊由呢位前紐卡素主帥領軍即解決唔識贏波問題，聯賽贏熱刺同英足盃淘汰修咸頓都係超水準表現；雖然積甸拿克、恩歷克波里斯繼續缺陣，但球隊呢幾場勝仗根本冇佢哋份，證明影響唔大啦。（周六11，now624台周六11:00pm直播） 愛華頓今季演出令人失望，加加埋埋8場不勝，期間只入過4球，盧卡古、巴利同巴尼斯等上季表現耀眼球員今季都無以為繼，依家就連米拿拉斯都可能被賣，作客倫敦好難反底。