侯城紐卡素「和」味濃

侯城紐卡素「和」味濃

英超星期六早場玩「頹鬥頹」！侯城同紐卡素都係3連敗，講真今晚真係好難講邊隊可以佔有優勢，睇埋兩軍首循環都係分唔到勝負，不如博和局啦。（周六4，now621台周六8:45pm直播）

侯城近3場比賽全敗，對手依次係阿仙奴、西布朗同韋斯咸，仲要一球波都入唔到，唯一可解釋係呢3場波都係作客比賽，而佢哋上場勝仗正正係主場擊敗愛華頓，有理由相信今晚表現會有所改善。事實侯城依家搞成咁，其一原因係太多傷兵，謝拉域、艾保靴南迪斯、辛迪加斯、迪亞美、羅仙尼亞、占士謝斯達同阿歷斯布魯士都唔打得，僅靠恩歷克沙保、侯度史東同戴臣支撐三線平衡，要攞3分似乎又有啲難度。
紐卡素聯賽同樣3連敗，而對上一場勝仗同樣係主場贏愛華頓，明顯雙方有頗多相同之處；其實紐卡素回落都唔係冇原因，前領隊柏祖雖然冇乜料到，但球員眼見管理層咁都要放佢走，肯定覺得球隊冇乜進取心，自己又點會落力？喜鵲今晚唯一優點係陣容較優勝，僅得史提芬泰萊同施安迪莊算係重要傷兵，兩軍形勢變得均等下，博和局合理。